Serokê Kurdistanê bi wezîra bazirganiya Swêdê xanim Eva Björkling ra civiya

Roja yekşemê (30.05.2010) serokê herêma Kurdistanê Mesûd Barzanî li Selahedînê pêşwazî li wezîra bazirganiya Swêdê xanim Eva Björling û şandeya digel kir. Di gel wezîrê, hejmarek karsaz û bazirganên welatê Swêdê hebûn.

Di hevdîtinekê de ku, Sînan Çelebî wezîrê bazirganî û pîşesaziya herêma Kurdistanê û hejmarek ji berpirsan amade bûn, wezîra bazirganiya Swêdê xweşhaliya xwe bi vê serdana herêma Kurdistanê derbirî û balkişand li ser wê yekê ku welatê wê dixwaze baştirîn pêwendî digel herêma Kurdistanê da bibeste û hejmareke zêdeyê veberhênan, karsaz û kompanyayên swêdî bêne Kurdistanê û têda kar bikin.

Wezîra swêdî got ku, ev aramiya herêma Kurdistanê jî bi piştgirtineke serekî danî ji bo encamdana karê veberhênan û wegerxistina sermayeya swêdî li herêma Kurdistanê da û hêvî xwest ku ev serdan serdaneke berhemhêner be.

Serok Barzanî bi xêrhatina wezîra bazirganiya Swêdê û şandeya digel kir û ragihand ku Swêd li pêşwazîkirina kurd de welatekî pêşeng bû, ji bo wê yekê welatê Swêd rêzekî xwe yê mezin li cem gelê Kurdistanê heye. Barzanî got ku herêma Kurdistanê dixwaze pêwendiyên digel Swêdê berev pêştir bibe, bi taybetî beyavê karsaz û veberhênan li Kurdistanê da guncawe û bi girîngiyê jî ber bi berfireh kirina astên cuda cudayên peywendiya di navbera her du aliyan de hebe. (rojevakurd.com)