Şahiya Komkar û Komciwan çêbû

30-Gulan/2010-Komkar û Komciwan-Swêd, hersal di dawiya payîzê û baharê de piştî xilaskirina çalakiyên  xwe yên

perwerdeyî wek  kursên govendê, tembûrê û zimanê kurdî, şahiya kutasiya termînê li dar dixin. Îsal jî şahiya kutasiya demsala van xebatan, şahiyeke çandî ya xweş hatibû amadekirin.

Şevbêrkê bi axftineke kurt ya serokê Komkarê Haluk Özturk û dûra jî seroka Komciwanê Bêrîvan Mert dest pêkir. Şukrî Demîr û Berfîn Nigit`ê bi kurdî û swêdî bername bi rêve birin.

Şahiya 29-ê gulanê, ji bo nîşandana encama xebata zarokan, hunerên wan yên govendê bû wesîleyeke baş. Mebesteke din ya sereke jî ew bû ku malbatên kurd li Stokholmê hevdu bibînin û bi hevra şevbêrkeka kurdî ya xweş derbas bikin.

Di bernameya şevbêrkê da hunermendê ciwan Ferhat Akat bi denge xwe yê xweş, stranên kurdî pêşkêş kirin. Li ber dengê dahol û zirne û çar (4) komên govendê cure cure govendên kurdî pêşkêşî temaşevanan kirin. Şevbêrk bi warin û vexwarin bû. Mêvanan heta nîvê şevê govend gerandin û bi hevra şeveke xweş derbas kirin. Di şevê de birêz kek Kemal Burkay jî amade bû û li hunera zarokan temaşekir. Wî bi beşdariya xwe bêtir reng û moral da ve çalakiyê.    

Wek tê zanînîn li KOMKAR Û KOMCIWAN-Swêdê  ji zarokên 5-18 alî kursên govendên kurdî, zimanê kurdî û tembûrê tên dayîn. Di van kursan de li dor 100 zarokên ji temenên cuda beşdar dibin. Ev kursana wê payizê dîsa dest pêbikin.